GARA REŇ BOLAR.
Hozuň daş gabygyn, gülälek suwun,
Garyp saça çalsaň, gara reň bolar,
Içiň şerden sakla, giliň gybatdan,
Saklamasaň köňul gözgiň zeň bolar.
Her kişi kim ýamanlykny kast eýlär,
Iki dünýä öz işine köst eýlär,
Ýagşy gylyk duşmanyňny dost eýlär,
Gylygyň bet bolsa, işiň jeň bolar.
Adam ogly, awaradyr, asydyr,
Bir söz diýseň, ýagşy äriň besidir.
Bilip bolmaz, hakyň dosty kaýsydyr,
Alkyş alsaň, mydam işiň oň bolar.
Magtymguly, sözüm gysga, şerhi köp,
Bilmeze — hiç, bilenlere — nyrhy köp.
Ýeriň ýerden, äriň ärden parhy köp,
Muşgil oldur, sözleşende deň bolar.