Myhman geler alys ýerden,
Garşylasaň söwüş bile.
Mert ýigitler geçer serden,
Al meýdanda döwüş bile.
Ýüwrük ýetmez uzagyna,
Düşdüm pelek duzagyna,
Meňli gyzyň ýüzügine,
Gaşlar goýsam kümüş biln.
Gyzu-juwan uz ýöreýip,
Göz gider, bagryn ereýip,
Kölde guba gaz ýöreýip,
Suw seslener gamyş bile.
Magtymguly, ýarytmadym,
Perzent pohun artmadym,
Sedirime darytmadym,
Mydam işim symyş bile.