Akylsyzlar akyl gözlär, zeýrener,
Akyl bolan diýer: «Aklym köp bolsa
Mert ýigitler gylyjyna daýanar,
Namart tutabilmez, golda çöp bolsa.
Sen bardyr, hasapsyz bolan pidalar,
Her günüň pikir eýlär ýören gedalar,
Haznasyn dolduran berkarar şalar,
Gunde bir öýlener, keýpi kök bolsa.
Namart gorkar goç ýigidiň adyndan,
Öýünde telmurar merdiň badyndan,
Dertli gullar ömür salmaz ýadyndan,
Lukmanyny, kylan emi nep bolsa.
Dert zyýat bolmasa, dertli samramaz,
Ýetse akyl, biakyllar ýaňramaz, .
Misgin düşen Magtymguly eňremez,
Ýüreginden gam-gussalar dep bolsa.