ÝARYŇ ÝAGŞYSYN
Gawunyň ýagşysyn şagal iýr bolsa,
Namarda duş etdiň, ýaryn ýagşysyn;
Hak her kime haýyr-döwlet biýr bolsa,
Patyşa bagş etdiň zeriň ýagşygyn.
Binamysy dertden aman eýlediň,
Baran jaýyn meýlis-mekan eýlediň,
Durnagöz mesgeni umman eýlediň,
Hindige bagş eýläp ýeriň ýagşysyn.
Periler oýnaýan ajap çaglarda,
Gül, bilbil bendidir Erem baglarda,
Gara daşly, gudraty köp daglarda,
Mekan eýläp goýduň garyň ýagşysyn.
Şatlar aglar boldy — bagryn baş etdiň,
Aklyn aldyň, kör eýlediň, läş etdiň,
Magtymguly, diý ne ajap iş etdiň?
Ýamana duş kylyp äriň ýagşysyn.