BAŞ ÜSTÜNE
Namart kimdir, biler bolsaň,
Ne diýseň diýr: «Baş üstüne!»
Ezmaýyşan kylar bolsaň,
Hiç tapylmaz iş üstünde.
Aş üstünde it dek hyrlar,
Ýersiz ýere har dek harlar,
Her tilki bir şir dek gürlär,
Myrdar ölen läş üstüne.
Diýseler: «Atlan-ha, atlan!»
Mert ýigit-ot çeýnär syrtlan.
Ýow güni gaýrata gatlan,
Lagnat goýma riş üstünde.
Magtymguly, söweş bolar,
Ýigidiň syry paş bolar,
Ýa başyn biýr, ýa baş alar,
Goç ýigit ýoldaş üstünde,