Her bir sözi jana ýarar,
Ýagşy bile ýoldaş bolan!
Gaçyp gutulmagyn unar,
Ýaman bile gardaş bolan.
Dünýäniň düýbi ötmekdir,
Myrat munda iş bitmekdir,
Dembe-dem gussa ýutmakdyr,
Bir ýaman goňşa duş bolan.
Her ýaman söz ýürek bular,
Ýagşyny älem arzuwlar,
Ýatdan çykmaz, görmek dilär,
Birewden köňli hoş bolan.
Her kimse-de hünär ýokdur,
Duşmanyna heder ýokdur,
Ýagşylyk etse, ýer ýokdur,
Şu eýýamda ýuwaş bolan.
Magtymguly, öwüt aýdar,
Aňlan gulagynda gider,
Özün ýüňsakal eder,
Bozulan ile baş bolan.