Asla adam zada ajy söz urma,
Pakyra-misgine delalat ýagşy.
Bahyla ugrama, ýüzüni görme,
Möhüm bitirmäge kipaýat ýagşy.
Ýetimi göreňde güler ýüz bergil,
Goldan gelse, aňa tagam-duz bergil,
Gamgyny göreňde, ýagşy söz bergil,
Entäni goldara hemaýat ýagşy.
Garyplyk bir dertdir, adam öldürmez,
Öldurmese, dirilikde güldürmez,
It hem aryklygyny gurda bildirmez,
Elbetde duşmana syýasat yagşy.
Magtymguly şükür, bize til berdiň,
Şejerler ýetişip, semer gül berdiň,
Görogly Reýhana neneň ýalbardy,
Amandyr diýene dyýanat yagşy.