|
Dilber, mestana ýörişiň,
Ýörişiň ýaryma meňzär.
Gabak ýumup, gaş kakyşyň,
Kakyşyn ýaryma meňzär!
Bilbilem, gonam baglara,
Döze bilmen bu daglara,
O daglardan bu daglara,
Çykyşyň ýaryma meňzär.
Zulpüi her ýana döküşiň,
Jeren dek oýnap-beküşiň,
Müşki-anbar dek kokuşyň,
Kokuşyň ýaryma meňzär.
Gamzany jana salyşyň,
Tenden janymy alyşyň,
Kah-kah urup, ýar gülüşiň,
Gülüşiň ýaryma meňzär.
Garyby oda ýakyşyň,
Tylladan heýkel dakyşyň,
Her ýan-her ýana bakyşyň,
Bakyşyň ýaryma meňzär.
|
|
|