Söwer ýaryndan aýrylyp,
Ýörmeklik rowa bolarmy?
Gözel ýaryň pyrakynda,
Gezmeklik rowa bolarmy?
ýüzde melamat gerdiniň,
Sözi ýeter namardynyň,
Eý ýaranlar, yşk derdiniň
Derdine dowa bolarmy?
Men isterem, ýarym gelsin,
Gelip, gamly köňlüm alsa,
Bir gün muny atam bilse,
Kenizler güwä bolarmy?
Pyrak oduna köýeniň,
Synasynda daş goýanyň,
Her kime syryn ýaýanyň,
Sözünde iba bolarmy?
Ýar ýolunda boýun goýmak,
Rahat berip, mähnet almak,
Şasenem diýr, aşyk bolmak,
Munda intiha bolarmy?