Sadakaň bolam, galam gaşly dilberim,
Amanda bolsa sen, ýene gelinçä.
Kaddy tubi, lebi şeker nigärim,
Bakaram ýoluňa, täki ölinçä.
Gamzaň oky degip,'dökdi ganymy,
Şum rakyplar duýsa, bozar şanymy,
Alladan razy men, alsa janymy,
Sensiz ömrüm gaýry bilen bolynça.
Akja bilen seýil eýlediň bu zaman,
Kyrk Keniz eliňde süredir döwran,
Gaýytgyl raýyňdan, janymdyr gurban,
Ölen ýgşý, sen dilberden galynça.
Gözlerim ganynça, görem ýüzüňni,
Ne beşer, ne peri diýrler özüňni,
Mejnun kibi çölde alsam yzyňny,
Ýansam gerek seni tapyp alynça.
Çyn aşyklar ýalbaradyr dostuna,
Şum rakyplar aýralygyň kastyna,
Garyp diýer, keten köýnek üstüne,
Hiç dynmanam, gözde ýaşym sylynça.