EGLENME MUNDAN
Indi söhbet wagty ötdi,
Git, Garyp, eglenme mundan!
Aýralygyň wagty ýetdi,
Git, Garyp, eglenme mundan!
Näler gördüm seniň waslyň,
Barabary ýokdur aslyň,
Bir gül erdiň, ötdi paslyň,
Git, Garyp, eglenme mundan!
Sen baryňda, güle bilmen,
Bu ne dertdir, bile bilmen,
Seniň üçin öle bilmen,
Git, Garyp, eglenme mundan!
Bähre tapman bu watandan,
Şirin janyň çykar tenden,
Şasenem diýr, geçdim senden,
Git, Garyp, eglenme mundan!