|
|
Akja, bu gün tende janym,
Çykmazdan, janany getir.
Müsür ilinde Ýusup kimin,
Şol bendi-zyndany getir.
Biziň bilen wada kylan,
Rahat berip, mähnet alan,
Jepa tygyn jana salan,
Gara bagry gany getir.
Hassa halyny soraýyn,
Bir niçe köňül bereýin,
Doýynçam, ýüzün göreýin,
Baryp, Garyp jany getir.
Ötdi meger ýar pyragy,
Gahba pelek goýdy dagy,
Bir agyz sözün soragy,
Şol dagy-hijrany getir.
Şasenem diýr, gara bagrym,
Ýandy, kül boldy bu rahtym
Ýakyn geldi öler wagtym,
Derdime dermany getir.
|
|
|