Göçdi köňlüm, menziline ýetişdi,
Gal, maralym Selbinyýazym, gal indi,
Belent-belent daglar araga düşdi,
Gal maralym, Selbinyýazym, gal indi.
Gahba pelek nije işler gaýyrdy,
Aç gözlerim toprak bile doýurdy,
Seni menden, meni senden aýyrdy
Gal, maralym, Selbinyýazym, gal indn.
Gara zülpün ujun örseň-örmeseň,
Hoş gal indi, ýene görseň, görmesea,
Meniň bile döwran sürseň-sürmeseň,
Gal, maralym, Selbinyýazym, gal indi.
Alty nedir, ýedi nedir, bäş nedir?
Kowum nedir, gardaş nedir, hyş nedir?
Gözlerinden akan ganly ýaş nedir?
Gal, maralym, Selbinyýazym, gal indi.
Aşyk Hemra düşdi yşkyň ýoluna,
Sonalar gark olar eşkim kölüne,
Baş goýmuşam han Saýadyň ýoluna,
Gal, maralym, Selbinyýazym, gal indi.