|
Muhubbetli köňlüm açyp,
Anda ahy-zarym galdy.
Zülpüni her ýana saçyp,
Ala gözli ýarym galdy.
Garyplykda köňül çagym,
Köp boldy synamda dagym,
Ter açylgan täze bagym,
Gülşenim, gülzarym galdy.
Her säherler ahyn çekip,
Gözde ganly ýaşyn dökup,
Jeren kibi oýnap, bökup,
Maral gözli ýarym galdy.
Mansur deý dara çekildim,
Halyl deý nara atyldym,
Ýusup deý müsüre satyldym ,
Onda hyrydarym galdy.
Hemra diýer, öe ilimde
Hak senasy bir tilimde,
Häzirbejanyn ilinde,
Selbi atly ýarym galdy.
|
|
|