|
Gapyl ýatma näzli ýarym,
Barsam, oýanmaz-oýanmaz;
Şirin lebleriň bal edip,
Sorsam, oýanmaz-oýanmaz.
Meniň ýarym gyzyl güldür,
Näzenindir, inçe bildir,
Ak ýüzünde goşa haldyr,
Emsem, oýanmaz-oýanmaz.
Sensiň, meniň gyzyl gülüm,
Bagda saýraýan bilbilim,
Söwer ýaryň inçe biliň,
Guçsam, oýanmaz-oýanmaz.
Üstüňizden düşdi ýolum,
Sonam, bizden ne hyýalyň,
Atanyýaz diýr, arzy-halym,
Aýtsam, oýanmaz-oýanmaz,.
|
|
|