Aýjemal han, diňle arzy-razymy,
Zeri-ziwer dakyşyňa dözmenem;
Örtenip geçirdim bahar-ýazymy,
Indi janym ýakyşyňa dözmenem.
Öýden çykar nikabyna bürener,
Suwguşy deý saýýadyna sürüner,
Biwepalyk resmi senden görüner,
Indi janym ýakyşyňa dözmenem.
Periler nyşany bardyr ýüzüňde,
Hiç hylap tapmadym aýdan sözüňde,
Ýol ýöreseň gözüm galar yzyňda,
Käkilik dek böküşiňe dözmenem.
Öýden çykyp, humaý kimin süzüler,
Şöhle salyp husnuň Aý kimin dolar,
Şanalaýyp syýa zülpüni böler,
Ak ýüzüňe döküşiňe dözmenem.
Köpler çekdim seniň derdi-dagyňy,
Ýpluňda terk etdim hany-manymy,
Jan isteseň berem şirin janymy,
Göz süzüp, gaş kakyşyňa dözmenem.
Dosmuhammet, indi ýardan galyp sen,
Bilgeç özüň yşk oduna salyp sen,
Dilber, şiwe bilen janym alyp sen,
Kyýan-kyýan bakyşyňa dözmenem.