Däliräp diwana boldum,
Ýar senden, pyhanly daglar;
Ýoluňda perwana boldum,
Şemgy-şemistanly daglar.
Gör, aşyklar nedir halda,
Ony gören ýüz hyýalda,
Mydam görsem bir mysalda,
Garrymar sen garly daglar.
Gezerdim bulak üstünde,
Gam aýrylmaz çag üstüňde,
Heser tapdym dag üstünde,
Umgaly çal goçly daglar.
Baba diýr dessan sendedir,
Bag bile bossan sendedir,
Täze gülüstan sendedir,
Ýüz dürli iýmişli daglar.