Oturypdym çarhowuzyň başynda,
Sallanyp şu ýana geçdi bir gelin.
Şaňňyrdap geçýändir günde bir ýola,
Ýandyrdy ataşy, ýakdy bir gelin.
Tutaý diýsem tuta bilmen elinden,
Gepleşende bal töküler tilinden,
Duzak gurap tutsam giden ýolundan,
Saýýat men toruma düşdi bir gelin.
Körpe gyzlar ýygnanypdyr daşyna,
Gurban bolsam hem gözüne, gaşyna,
Enem geldim şu çeşmäniň başyna,
Ýandyrdy çeşmäni, suwy bir gelin.
Bäş bent diýdim bir gaýbana sözüne,
Alma ýaňagyna, gara gözüne,
Ýedi ýyldyr men aşygam özüne,
Syparyş gönderdi maňa bir gelin.
Dosmuhammet diýer gelmişem dada,
Uzyn ömrüm beter geçdi bihuda,
Alla seni berse maňa dünýäde,
Bile döwran sürsek başa-baş gelin.