GALAR BOLDUM AÝNAM HOW
Sen munda eglenme gitgin ýoluňa,
Ýalňyz özüm galar boldum Aýnam how,
Pelek duzak gurdy ýörär ýoluma,
Sen ýöräber, men galar men Aýnam how.
Dostlar aglap duşman köňli bezeldi,
Aýralyk derdinden, bagrym ezildi.
Göreý şum ykbalym, keje ýazyldy,
Sen ýöräber, men galar men Aýnam how.
Aýryldyk watandan, galdy ilimiz,
Ikimiziň aýra düşdi ýolumyz,
Biwagt bat urup soldy gülümiz,
Gülüm solup, galar boldum Aýnam how
Aşyk Söhbet diyer ahyrky günüm,
Başym ýerden galmaz lerzandyr genim,
Gör kaýda daş galdy menzil mekanym,
Menzilime barmaz boldum Aýnam how.