|
BOLMAGYN
Ger başyň asmana ýetse,
Peşeden uly bolmagyn;
Bir sydyrgyn günün ýetse,
Hannasyn ýeli bolmagyn.
Deň bolup pakyra, baýa,
Ömrüň ötürmegin zaýa,
Gulluk eýlegin hudaýa,
Bendäniň guly bolmagyn.
Il içinde ötse sözüň,
Gysganmagyn nan-u-duzuň,
Şol dem ýumulsa-da gözüň,
Süýthoruň puly bolmagyn.
Saklagyn namys-gaýratyň,
Beslegin ýaragyň-atyň,
Ýagşy tutawer niýetiň,
Şeýtanyň päli bolmagyn.
Şahyr Baýly, al nesihat,
Ahyry jaýyňdyr lahat,
Dünýäni eýleme gahat,
Garybyň duly bolmagyn.
|
|
|