Gapyl ýdim indi ynan sözüme,
Janym paýandazdyr, jan Ogulmeňli!
Üç günden mes bolup, geldim özüme,
Gala bilmen bagrym gan, Ogulmeňli!
Ol gara gözlere çekip surmäni,
Bu hassa halymyň sen-sen dermany,
Goýnuňa gireniň ýokdur armany,
Tä başdan aýagyň ak, Ogulmeňli!
Sözle-sözle dostum nije dahanda,
Mekge, Medinede, Rum, YspyHanda,
Ogulmeňli atly kändir jahanda,
Bir senden özgesi san, Ogulmeňli!
Niçeler ah çeker, niçeler perýat,
Niçeler yzynda dat ile bidat,
Yklymda görmedim. sendeý perizat,
Gyzlaryň serdary han Ogulmeňli!
Misgini diýer, seniň arzuwyň çeker,
Kirpigiň neşderdir, ganymy döker,.
Elli gyz hyzmatkär, elli bäş nöker,
Ýüz bäşe taý geler han Ogulmeňli!