GÖZLERIŇ

Pynhan-pynhan aldy janym,

Seniň gözleriň-gözleriň;

Tyg urmaýyn dökdi ganym,

Seniň gözleriň-gezleriň.

Seniň gözleriň aladyr,

Meniň janymny aladyr,

Agzyň altyn pyýaladyr,

Seniň gözleriň-gözleriň.

Akar suwy  aýlandyran,

Dury suwy bulandyran,

Gapy-gapy elendiren,

Seniň gözleriň-gözleriň.

Barmagyň gamyşa meňzär,

Dyrnagyň kümüşe meňzär,

Oturşyň,  torguşa meňzär,

Seniň gözleriň-gözleriň.

Pidaýynyň ganyn  içdi,

Galanyň meýdana  saçdy,

Bu janymdan parran geçdi,

Seniň gözleri-gözleriň.