|
Ýalan dunýäniň Behişdi,
Gyzyl gülden täze gelin;
Ak ýüzleriň meňzär! aýa,
Ýaýkanyşyň gaza gelin.
Barabilmenem ýanyňa,
Seniň menzil-mekanyňa,
Sogap et şirin janyňa,
Rehm eýlegil bize, geliň.
Görmäge gözlerim zardyr,
Goýnuňyz pasly-bahardyr,
Söýüp aýrylmagym ardyr,
Sen meňzer sen ýaza, gelin.
Tomaşaly toý bolanda, ,
Gyz-juwanlar ýygylanda,
Gyzlara nazar salaňda,
Sen düşer sen göze, gelin.
Şeýdaýy diýr, söz bolmasa,
Bakjada gülüm solmasa,
Zyýada gurur bolmasa,
Bermen ýüz müň gyza.gelin.
|
|
|