Meniň köňlüm budur: saňa gul bolsam,
Seniň köňlüň nädir, nä hyýaldadyr?
Ýol ýöräňde, aýagyňa ýol bolsam,
Seniň köňlüň nädir, nä hyýaldadyr?
Alys ýerden geldim saňa gaýbana,
Hesretiňden boldum däli-diwana,
Meniň köňlüm — ak gujaga girmäge,
Seniň köňlüň nädir, nä hyýaldadyr?
Gaýybandan geldim, seni dost diýip,
Sen gelmeseň, çykar janym gyssanyp,
Menin, köňlüm — ak bilegiň ýassnyp,
Seniň keňlüň nädir, nä hyýaldndyr?
Düýşümde bir käse içdim golundan,
Başym kesseň hergiz gaýtman ýoluňdan!
Menin, köňlüm — guçsam inçe bilinden,
Seniň köňlüň nädir, nä hyýaldadyr?
Aşyk Hemra aýdar, geldim men dada,
Geleý diýsem, rakyp goýmaz arada,
Seniň bilen etsek maksat-myrada,
Seniň köňlün nädir, nä hyýaldadyr?