|
JENANYŇ GELDI
Arzym eşit, patyşahym,
Jan bilen jananyň geldi!
Çyn-Maçyn ýurduna giden,
Hatarly kerweniň geldi.
Gözi bilen gaşy bilen,
Belent dagyň başy bilen,
Ýüz ýigrimi ýaşy bilen,
Hemra atly balaň geldi!
Galmady synada dagyň,
Açyldy batyl bulagyň,
Eýäm ýandyrdy çyragyň,
Arzuwly armanyň geldi!
Sözüm bar saňa diýesi,
Duşmanlaryň gam iýesi,
Täju-tagtynyň eýesi,
Keremli soltanyň geldi!
Kasym diýr guluň adyna,
Gulak sal aýry-badyna,
Şahym, ýetdiň myradyna,
Giden oglanlaryň geldi!
|
|
|