Günbe-günden huruç edip özüňden,
Ganym sary atlanar sen, Orazym;
Bir hudanyň beren ulüş-paýyndan
Her söweşde, jeňde bar sen, Orazym.
Duşman görse, çykar syýasat bile,
Tuwulga, çaraýna, boz sowut bile,
Ala çakmak tüpeň, arap at bile,
Ýalançyny hoş geçir sen, Orazym,.
Önki batyrlaryň kesbin ýörüden,
Algyrlaryň zyýat erer börüden,
Pilden, kergedenden, döwden, periden
Taýpar çekip, ýan bermer sen, Orazym.
Kemine diýr, adamzatdan ýüz görmen,
Ýagşa «ýagşy» diýr men, ýamana «ýaman»,
Mert bile namardy görsem tanyr men,
Sen bir ýalňyz dogan är sen, Orazym.
|