ÝAR DERDIŇDEN

Eý ýaranlar, musulmanlar!

Sepil oldum ýar derdidden.

Yşk oduna ýana-ýana,

Köýer boldum ýar derdinden.

Gijeler mende takat ýok,

Gündiz mende rahat ýok,

Mundan artyk muşakgat ýok,

Näzli ýar, seniň derdiňden.

Gaýry watan tutar boldum,

Gara gaýlar ýutar boldum,

Bimar bolup ýatar boldum,

Ýanar boldum ýar derdinden.

Bu ne hesret, bu ne mähnet,

Çeker men dürli melamat,

Bu ne dert, bu ne külpet,

Näzli ýar, seniň derdiňden.

Adym  peri Hüýrlukgadyr,

Pany dünýä  bibakydyr,

Çekdigim   jebri-jepadyr,

Ýanar boldum ýar derdiňden.