Yşkyň söwdasyna salypsen başyň,
Bar, gardaşym, seni azat eýledim!
Kaýda barsaň, huda bolsun ýoldaşyň,
Bar, gardaşym, seni azat eýledim!
ýüzüň sargarmasyn, reňgiň solmasyn,
Dostlaryň şat bolup, duşman gülmesin,
Bizden peýda bolsun, zelel bolmasyn,
Bar, gardaşym, seni azat eýledim!
Hak yşkyna düşen äriň. äri sen,
Sähranyň börüsi, dagyň şiri sen,
Sen hem aw istegen kyrkyň biri sen,
Bar, gardaşym, seni azat eýledim!
Kamar diýer, seni azat eýlärmen,
Kyrkyň dogany sen, bir janu-bir teň,
Meni kyýamatlyk dogan diýgeý sen,
Bar, gardaşym seni azat eýledim!