Huplaryň şiwesi gara göz bolar,
Gör, tomaşa et bilbil bilen güllere!
Gözeliň şiwesi şirin söz bolar,
Sözle, gurban olam şirin dillere!
Al-ýaşyl geýinip, kümüş guranda,
Şitde-şemle inçe bile oranda,
Suw sonasy ýaşylbaşy görende,
Laçyn köňlüm telwas eder köllere,
Aýra duşsem, elip katdym ýaý bolar, .
Aýrylmasam, köňlüm ajap jaý bolar,
Gül ýüzüň görmesem, günüm aý bolar,
Aýym uzap gitdi ýyldan-ýyllara.
Kemine goýmazlar ýar bilen ýary,
Pelekden dat eder geleniň bary,
Meniň dilim, seniň eliň hünäri,
Nusga bolup galsyn ilden-illere.