Ne belaň bar, gutarmadyň zulumdan,
Görem, kulahyny göter, gulpagyň;
Ýüregim dalmynyp, çykdy golumdan,
Janyma owsunlap ýeter gulpagyň.
Ak ýüzüň hallary nokatdan kiçi,
Gamzaň garakçydyr jan almak öji,
Mejnuny ýandyrdy Leýliniň saçy,
Leýliniň saçyndan artar gulpagyň.
bähre tapar oýnan oýnuňdan,
Sekiz jennet ysy geler goýnuňdan,
Ikisin örup, birin goýber boýnuňdan,
Ýöräňde, sagryňa ýeter gulpagyň.
Yşkyň serişdesin erenler tutdy,
Aşyk bolan magşugyny unutdy,
Kemine diýr, menden ýigitlik ötdi,
Mundan hem ýakyndyr, öter gulpagyň.