Aşyk aglap arzuw eýläp,
Öz ýarynyň gedasydyr.
Yşk ýüküni atyp taýlap,
Ýaý-gaşynyň pidasydyr.
Bu dünýäge gelse alym,
Halka aýdar ança ylym,
Aşyklara kylsaň zulum,
Bir dostunyň pidasydyr.
Ýylanyň sokan zährinde,
Beýik ajdarha gahrynda,
Ýar suraty jan şährinde,
Adam ölse, günäsidir.
Imdi artar meň azarym,
Yraga çatmaz nazarym,
Nepes dier, meniň ýar ym,
Gelin-gyzlaryň şasydyr,
|