LEÝLI GEREKDIR
Dergähgщe bir arzym bar, ýaradan
Bize bir mähriban Leýli gerekdir;
Bugdaýy reň bolsun akdan-garadan,
Ýagşy gylyk, ýagşy hoýly gerekdir.
Gaýraty köp bolsun işde, jedelde,
Gara saçy düşsün ak ýüze dalda,
Ýagşy ata, ýagşy ene görelde,
Aşygy öldürji towly gerekdir.
Boýy uzyn bolsun, ýüzi ak bolsun,
Balaman bakyşly, tugun tap bolsun,
Hemme bet işlerden süňňi sap bolsun,
Emma bezenişi şaýly gerekdir.
Zelili, dergähe ýüzüm tutar men,
Kabul kylsan, şirin jandan öter men,
Gadam goýsaň gaş üstüne götär men
Didämiň üstünde ýoly gerekdir.