|
|
Dilber, sen meni ýandyrdyň,
Bir görünmez köz biläni,
Ýene ýüz kürsä mündürdiň,
Müň doýdurdyň näz biläni.
Ýakyp sen içim-daşymy,
Telbe edip sen başymy
Alyp sen akly-huşumy
Şol pyýala göz biläni.
Husnuň dünýä şugla salar,
Aý-gün ýanaşsa, uýalar,
Özünden giden köp bolar,
Ýörir bolsan düz biläni.
Düşseň men.gulunň eline,
Mal-başym huda ýoluna,
Men bermenem ýüz geline,
Ýene togsan gyz bilani.
Zelili diýr, şamçyragym,
Iki jahanda geregim,
Yşkdan dolupdyr ýüregim,
Egsebilmen söz bileni.
|
|
|