Namarda syr berme, «syr saklar» diýip,
Namart syr saklamaz diýmek biläni!
Biakyla akyl berseň, kär etmez ,
Ezip, gursagyna guýmak biläni.
Keýpi açylar, duşman görende mertler,
Pikir basar, gaýga gider namartlar,
Gurt bilen deňlemez özüni itler,
Öz ýanyndan artyk saýmak biläni.
Men dieýin, sen gulak goý, byradar,
Tükenmez, synamda bir niçe söz bar,
Owal garyp bolup, soňra baýan är,
Iýmez, geýmez soň baýamak biläni.
Zelili, sözuňi uzatma, besdir,
Hak biler syryňy, ýalandyr rasdyr,
Eblehe köp öwüt bermek hebesdir,
Birin tutmaz gulak goýmak biläni.