ÝETIR

Salamymny, käbäm enem!

Baryp, Mejnun janga ýetir;

Gara bagry girýan enem,

Dert beren dermanga ýetir.

Öter boldum bu dünýäden,

Gol göterip biwepadan,

Bizge kysmatdyr hudadan,

Gudratly permanga ýetir:

Ömrüm indi eda bolmuş,

Hazan urup, gülüm solmuş,

Ajal bize dogry gelmiş,

Biçäre haýranga ýetir.

Baryp  aýgyl, ahy-zarym,

Hazan urup, soldy narym,

Menden  razy bolsun ýarym,

Köňlümde armanga ýetir...

Men bu dertden durabilmen,

Mejnunymny göre bilmen,

Ýar ýanyga barabilmen,

Sen baryp, jananga ýetir.

Ömür guşu uçdy — diýgil,

Ajal meýin içdi — diýgil,

Leýli mundan geçdi— diýgil,

Tiz baryp, jananga ýetir...