Bisimilla, okaly hakyň kelamyn,
Ne boldy bilmenem, gelmedi Leýli..,
Men sorap bilmenem' ýarym habaryn,
Ne boldy bilmenem, gelmedi Leýli.
Şam gidende, garaňkyda galdymy?
Hazan urup gül deý meňzi soldumy?
Ýa mekdebe hergyz gelmez oldumy?
Ne boldy bilmenem, gelmedi Leýli
Her saba gelerdi, gül dek açylyp,
Gülende, agzyndan dürler saçylyp,
Ýa öldümi, kepen dony biçilip,
Ne boldy bilmenem,gelmedi Leýli.
Her saba gelerdi, ýoluma bakyp,
Zerefşan gulpagyn gerdene döküp,
Meger bir söz ýetirdimi şum rakyp,
Ne boldy bilmenem, gelmedi Leýli.
Kaýs diýr, okaram döküp göz ýaşy,
Kitapdan ýokary götermen başy,
Habar berse Leýli janyň syrdaşy,
Ne boldy bilmenem, gelmedi Leýln.