|
Çandybile alyp bardym,
Garyp görüp mama seni.
Haýyr edip, engam berdim,
Erk etdim dükana seni.
Sen neçün meni zar etdiň?
Bir goç ýigidi har etdiň,
Gyratymny ebgar etdiň,
Tapmyşam pinhanda seni.
Şümi saýryýan dilleriň,
Gyraty tutan ellerin.,
Indi bent boldy ýollaryň,
Öldürin merdana seni.
Gyratymny nirde goýduň?
Tap basym, deriňi soýdum,
Gazap bilen gözüň oýdum,
Hudaý urdy, mama seni.
Şatyr bolup ýoluň tusup,
Ganym bolup üstün, basyp,
Gulagyň, burnuňy kesip,
Ryswaýy-jahana seni.
Görogly, tapdym geregim,
Indi sowady ýüregim,
Gyrat ganatym, diregim,
Şol ýetir mekana meni.
|
|
|