|
ÖÝ, 1. Esasy tärimlerden ybarat, ýokarky bölegi , uk we tüýnük arkaly birleşýän, üsti keçe bilen örtülen tegelek görnüşli ýaşalýan jaý. Aýna şol wagt öýüň töründe keşde güýmenip otyrdy (B. Kerbabaew, Aýgytly ädim). Şu öýde bolan waka aňyrsy-bärsi, on bäş minuta ýetmän gutarypdyr (A. Gowşudow, Eserler). Kireýsiz kilim kakylmaz, ojaksyz öýe bakylmaz (nakyl). 2. Ýaşalýan jaý, tam. Biziň öýümiz Kemine köçesinde. 3. göç. m. Käbir haýwanyň, mör-möjegiň ýaşaýan ýeri. Çybyk bilen arynyň öýüni gorjady (N. Pomma,, Taýlak hyzzyn). <> Öý işi — ser. I ş. Dynç alynýan güni öý işi bilen meşgullanmak. <>Öý hojalykçy aýal — ser. Aýal. Öýüni ýykmak— çykgynsyz ýagdaýa salmak, işini gaýtarmak. Medeniýet öýi — her hili medeni-köpçülik işleri geçirilýän jaý. Respublikamyzda medeniýet öýlerine, okuw jaýlaryna Leniniň ady dakyldy («Sowet Türkmenistany» gazeti). Ölümiň öýünde — ser.ÖlümI. Çagalar öýi — hossarsyz çagalary terbiýeläp ýetişdirýän edara. |