Alkyşlar we dilegler Küştdepmele Monjugatdylar Şorta sözler
Hüwdiler Läleler Nakyllar Ýaňyltmaçlar
Öleňler Matallar Sanawaçlar Ýomaklar
Yrym we ynaçlar


    Agyl doly akja guzy, ertir tursam

    Aý dogar gädiginden,
    Tanadym ädiginden,
    Baryň aýdyň oglana,
    Dänmesin diýdiginden.

    Ak towuk, ala towuk,
    Säher gygyran towuk,
    Biz ýara näme diýdik,
    Ýaz bizden näme sowuk?

    Sary donuň geýipsiň,
    Teläre söýenipsiň,
    Ahy-zaryň men çekýän,
    Sen mäne saralypsyň?

    Nowruz geldi, ýaz geldi,
    Garga geldi, gaz geldi,
    Oturan adamlara
    Bilbilden owaz geldi.

    Nowruz geldi bu gije,
    Gyzlar atarlar bije,
    Kimiň bijesi çyksa,
    Baýragy horaz-jüýje.

    Baga girene gurban,
    Gülün düýrene gurban,
    Men-ä ýary görmedim,
    Ýary görene gurban.

    Gaýyşdan-a, gaýyşdan,
    Atyň boýny kümüşden,
    Ýaryňy toýda gördüm -
    Horjuny doly kümüşden.

    Iki öýmüziň arasy,
    Gün görünmez parasy,
    Göz görse, göwün söýse,
    Asla bolmaz çäresi.

    Çeşme-çeşme, çeşdim ýar,
    Salam berip geçdim, ýar!
    Şu salamym almasaň,
    Men hem senden geçdim, ýar!

    Tamymyz-a, tamymyz,
    Goşadyr eýwanymyz,
    Sen ondan çyk, men mundan -
    Kör bolsun duşmanymyz!

    ýokja guzy (ýyldyz).


    Asty gaty, üsti gaty, arasynda haram eti (pyşdyl).


    Atdan beýik, itden pes (eýer).


    Başy-darak, guýrugy-orak (horaz).


    Bir küýzede iki suw (ýumurtga).


    Bir zadym bar, daşa ursam döwülmeýär, suwa ursam döwülýär (kagyz).


    Daşy-oýunjak, içi-möjek (pile).


    Dona bürenmez, göze görünmez (ses).


    Gara güjük ýatyr-üýrmezek, öýe adam goýbermezek (gulp).


    Gider-geler, ýol almaz (sallançak).


    Eýesinden ýüz görmez, adam hatyryn bilmez (terezi).


    Esetdi, esetdi, çirkin ses etdi (tüpeň).


    Enem-atam bir ýüzük berdi, ýere gömsem çüýremez, gora gömsem tütemez (adam ady).


    Iýmäge heserlije, on bir gat ak donluja (sogan).


    Iki enäniň on ogly, hemmesiniň ady bar (iki eliň on barmagy).


    Iň güýçsüziň güýçlülerden hökmi zor (çaga).


    Kuwwaty-ýel, ölümi-suw (ot).


    Kyrk günlük ömri bar, dört uka emri bar (gurçuk).


    Men gidýärin, ol galýar (yz).


    Suwda biter, suwda ýiter (duz).


    Hamy daşynda, tüýi içinde (içmek).


    Ýaş gününde orak ýaly, orta ýaşda çörek ýaly ().


    Ýeri ak, tohumy gara; el bilen ekerler, dil bilen orarlar (hat).