ÝAŞ GALAR Gara gözleñ garaly! Ýüzleriñ akdyr, aýym. Gözleriñe seredip, Täleýime garaýyn. Aýlar bikär geçmesin, Günlerimiz al bilen. Sen Gün bilen ýaşsañam, Dog ýene-de Aý bilen! Gara saçlarñy dara, Ak säheriñ dañynda. Ýel oýnasyn olary, Ýaglygyñy dañynma! Sensiz dünýäñ gündizi, Gije yşgy köreçel. Tüme öwrüp belendi Gökde ýyldyzlar öçer. Bu daglaryñ parasy, Ýüregimiñ ýarasy. Ýar bilen ýaryñ mydam Daş bolýandyr arasy. Ýar ýolunda sergezdan, Suwlar akar, daş galar. Gözel ýaryñ ugrunda Köýüp giden ýaş galar. |