SARGYT

Gije gelip, alsa daşym garañky,

Itleñ sesi berýär göwne teselli.

Bir dilegim, uwlamasa bolany,

Golaý-goltumymda barka keselli.

Men itleñ sesini höwür tutunýan,

Çünki gijäñ ýary galýarys täk biz.

Şoñ üçinem gadryn bilýän olaryñ,

Ite hem adama hormatym çäksiz.

Olar gabat gelse, sowmagyn ýüzüñ,

Başarsañ, gös-göni gözlerne gara.

Ýöne ýüregiñe goýberme golaý,

Şonda düşmez saña bitmejek ýara...