TAÑRYM, MAÑA  RYSGAL BER!

Tañrym, maña rysgal ber!

Etme bendäñe mätäç.

Aý dogsa – aýdyñ habar,

Tylla Günüñ – tylla täç!

Tañrym, maña rysgal ber!

Hak ýolundan ýörmäge.

Görenler goỳsun gadyr,

Görmedik – zar görmäge.

Tañrym, maña rysgal ber!

Dolup aksyn misli ýap.

Duşman gelsin gapymdan,

Gaýtaraýyn hezzetläp.

Tañrym, maña rysgal ber!

Dert berseñ, duşur eme.

Bendäñ men, özge bendä

Bendi-mätäç eýleme!

Tañrym, maña rysgal ber!

Äleme rowan ugruñ.

Merhemediñ – altyn-zer,

Depämde dursun nuruñ!