PYÝADA EÝLEME!

Gezegine geler, geçer

Bu dünýäniñ toýy, ýasy.

Günler gözüñden suw içer,

Ýyllar alar elden ýaşy.

Öz hakyma kaýyl munda,

Ilden zyýada eýleme.

Ýöne kesekiñ oýnunda,

Tañrym, pyýada eýleme!

.

***

Men goşgy ýazmany goýup bilmedim.

Ýaşap ýazdym. Ýazyşym dek ýaşadym.

Ýagty ýalançydan doýup bilmedim,

Ýöne adamlardan gaty ýadadym.

Gahar guşagyny guşap biline,

Gazap donun geỳen – pesdir söýerden.

Adamlar birehim biri birine,

Kimdir birin saýlap, sarpa goýardan.