OBAM

Ýadymda meñ, ýapraklañ,

Gaýdamda, örtäp jany,

Aýagymyñ ýelginne

Yzym bilen ylgany.

Çykyp gaýtdym güýz güni,

Döküldi otlañ zeri.

Aýralygyñ gümany

Tutdy asmany, ýeri.

Ylgady ýol öñümden,

Aşdy depe-gollardan.

Ýene bir gün dolansam,

Ýörärin ol ýollardan.

Ýadymda meñ gyz bilen

Pynhan duşan güzerim.

Ol pursaty ýadygär

Alyp gaýtdy nazarym.

Elwan guşgözüleriñ,

Güýz nagmasy düzülse,

Meniñ gözlerim bolup,

Bakar ýatar düzüñde!