MENIÑ  YKBALYM

Ajy diýme bu ykbala,

Men özüm saýladym ony.

Süýjüden artygam çala,

Egsigem saýmadym ony.

Pelek bir bazar bakgaly,

Öz harydyn satyp durmuş.

Kimiñ ýüñ boljak sakgaly,

Soñra belli eder durmuş.

Adam ýalñyşmaz bilende,

Aldap göze çöp atýarlar.

Zäher içirjek bolanda,

Ony şekere gatýarlar!

Şoñ üçin şeker çeýnänleñ,

Bilinse, awy içeni,

Jowranmazmy erte çenden

Ýatlaşyp bolan-geçeni?

Bu işde güman goýmadym,

Gitmedim men ham-hyýala.

Mydam ajysyn saýladym,

Berilse goşa pyýala.