KIM NIRÄ BARÝAR?

Gyşyñ güni gylyksyz,

Günüñ nury çala üm.

Aýnañ öñüne baryp,

Ýollara dikýän gözüm.

Bag üstünde gargalar.

Olar dünýä hojaýyn.

Büküdip otyr serçe,

Düşmän ýadyna oýun.

Çalpawlyk hem ümsümlik,

Adamlañ sussy basyk.

Näbelet kişi barýar

Her ýerräkden bir basyp.

Niräk gidip barýar ol?

Nämede oñ hyýaly?

Daş keşbine seretseñ,

Birin gözleýän ýaly?

Kim bilýär, ol nätanyş

(Bu dünýäñ oýny kändir!)

Meni gözläp, deñimden

Geçip gidip barýandyr...