”HÜWI” TEMASYNA GOŞMAÇA

Sus ol. Şat owaza gulak asanok.

Gije uçup,

             tutýar syçan, alaka.

Ýa öýüne dünýä, baýlyk basanok,

Ýa duluna däne, ýyllyk alapa.

Uzyn gije uçup, gezip belendi,

Dañ atmanka gonýar köne diwara.

Ýogsam, bu ýerlerden geçenok indi,

Geçäýmese, azaşan ýa diwana.

Emma hüwi taşlap gidenok öýün,

Sak otyr ol öz ýerinde şindizem.

Nämüçindir, gije ondan arkaýyn,

Ol galany gorap otyr gündüzem…