KÖNE GALA

Älemi garañky tutup başlady,

Ýyldyzlar gözlerin gypyp başlady.

Köýük ysy gelýär gün ýaşan ýerden,

Artypdyr gadymy galanyñ derdem.

Daşynda gijelik kakýar heşelle,

Oraýar başyna tümlükden selle.

Şoñ üçin garalyp otyr ol gala,

Şoñ üçin men bu pikire mübtela.

Bu köne galada bolmaz şagalañ,

Gazygynda at kişñemez bu galañ.

Solak nura ezip sedasyz daşyn,

Aý döküp dur gökden kümüş gözýaşyn...