DYNÇ GÜNI Golaý-goltumymda adam-gara ýok, Ýok bu gün bir alyp barýan işimem. Hatda myhman-mediwanam gelenok, Ýogsam, an-ha, açyk dur meñ işigim! Nämedir bir zada güýmenmek gerek, Gün geçirgiç bir iş tapylsa ýagşy. Ýogsa-da, öýümem köneldi bir çak, Geçirip dur üçeginden gar-ýagşy. Köne ädik geýip çykdym men jaýdan. Görsene, bu sandan çykan ýaltany! Rendäni getirdim gidip saraýdan Hem elime aldym çekiç, paltany. Soñra hyjuw bilen girişdim işe: Suwag gaçýar, pol hem çar ýana ýortýar. Ýonýaryn, çüýleýän neneñsi pişe! Men işleýän. Ýöne kemçilik artýar. ”Ah, muny düzedip bolasy ýok-la, Bu bir köne saraý, bir köne salgym!” Diýdim-de, çekiji, paltany oklap, Kagyz-galamymy elime aldym. Goh ýok. Täk odun peç edýär perýady. Penjireden düşýän ýagty çala üm. Öwrenje dek goşga çem gelen zady Saljak bolup, bir günümi ötürdim. |