DAGLARA BAR,  DAGLARA!

Göwnüñe gubar çökse,

Daglara bar, daglara!

Haçan nesibäñ çekse,

Daglara bar, daglara!

Edeniñ oñ bolmasa,

Hiç kes derdiñ bilmese,

Ýürek aglap, diñmese,

Daglara bar, daglara!

Bu dünýäniñ giñligni,

Ýyllañ ýöne ýañlygny,

Görseñ Ýeriñ çuñlugny,

Daglara bar, daglara!

Düşünseñ gara-aga,

Ýykylgyn gara daga.

Öz ýüzüñi görmäge,

Daglara bar, daglara!

Eger mertligi söýseñ,

Belende hormat goýsañ,

Gudraty göreý diýseñ,

Daglara bar, daglara!